طريقة عمل سابليه الشيكولاته
المقادير:
١ كوب زبدة طرية
٢كوب دقيق
نصف كوب كاكاو
نصف كوب سكر بودرة
معلقتين نشا كبار
٢ صفار بيض
رشة ملح
٢ كيس فانيليا
الطريقة:
نضرب الزبدة مع السكر البودرة المنخول كويس جدا بالمضرب الكهربائي لحد ما تبقي كريمي ولونها يفتح وننزل صفار البيض والفانيليا ونحط المكونات الجافة كلها مع بعض اللي هي الدقيق والكاكاو والنشا ورشة الملح ونقلبهم مع بعض وننزلهم علي الخليط اللي ضربناه ونعجن بايدينا لحد ما تلم ونحطها في الثلاجة ربع ساعة ونطلعها نشكلها لو بتلزق معاكي رشي رشة كاكاو علي ورق الزبدة وانتي بتفرديها وقطعيها بالقطاعات ونحطها علي ورق زبدة .
وندخلها الفرن علي درجة حرارة ١٨٠ لحد ما يستوي وبيقعد مش اكتر من ثلث ساعة حسب الفرن ويطلع يبرد خالص ونحشيه بالنوتيلا وبالهنا والشفا..